من حكايات الختيارة
2 مشترك
القدس :: القدس لتنمية المواهب :: القصص
صفحة 1 من اصل 1
من حكايات الختيارة
من طرف Admin الأربعاء 12 مارس 2008, 18:40
السلام عليكم ورحمة الله وبركاته
اليوم جايب لكم حكاية من حكايات الختيارة الله يرحمها
وبتعرفوا ختيارات زمان ما كانوا يراعوا الأدب الدبلوماسي في الكلام
علشان هيك بدي أحاول أكتبها بالأدب الدب لماسي
الحكاية عن جَبِرّ
جبر هذا كان صاحب سبع صنايع والبخت ضايع
كان بخته منيل بنيلة على قول إخوانا المصريين
وفي يوم من الايام سافر صاحبنا جبر لبلد بعيدة يمكن يتغير بخته ويتعدل
وأول ما وصل البلد تفاجئ بإنه المقبرة هي مدخل البلد
شوفوا هالحظ ما أحلاه اول ما تدخل بلد يكون اول ما تشوفه عينيك المقبرة
تنكد جبر من هالفال ولكن كان تعبان فدخل المقبرة حتى يرتاح قبل ما يدخل البلد
وهو مستلقي في المقبرة بلش يلقي نظرة على القبور من حوليه
القبور كان عليها شاهد والشاهد يعني حجر مربع مكتوب عليه اسم الميت
وهذا ما بجوز في الاسلام ومع هيك بسويه أهلنا في بلاد الشام وفلسطين
الله يهدينا ويهديهم ونرجع لسنة الرسول صلى الله عليه وسلم
نرجع لجبر قرأ جبر المكتوب على الشاهد
هذا قبر فلان عاش خمسة أيام ونظر للشاهد الثاني وإذ به مكتوب عليه
( حلوة وإذ به ) هذا قبر فلان عاش عشرة أيام
والقبر الثالث قبر فلان عاش عشرين يوم والرابع ثلاثين يوم وهكذا
استغرب جبر كلهم عاشوا أيام بس ( فقط يعني )
ورأى جبر رجل يسير بالقرب من المقبرة ناداه جبر وسلم عليه
وسأله شو قصة هالمقبرة كلهم عاشوا أيام ؟!
أجابه الرجل أكيد أنت مش من هالبلد ( يعني فهمان الأخ )
القصة يا سيدي ( يعني يا أخي ) كل واحد في هذه البلد
بقول لزوجته أو أمه أو أبوه أو أخوه أو أخته كم يوم عاش سعيد
ولما بموت بنكتب على قبره عدد الايام السعيده في حياته
لأننا بنحسب الايام السعيدة هي الايام إيلي عاشهم الانسان
هز راسه جبر وقال للرجل
دخيلك إذا مت في بلدكم تكتب على قبري هالعبارة
هذا قبر جبر من بطن إمه للقبر
وإن شاء الله ما يكون فيكم ولا واحد جبر وسلامتكم
اليوم جايب لكم حكاية من حكايات الختيارة الله يرحمها
وبتعرفوا ختيارات زمان ما كانوا يراعوا الأدب الدبلوماسي في الكلام
علشان هيك بدي أحاول أكتبها بالأدب الدب لماسي
الحكاية عن جَبِرّ
جبر هذا كان صاحب سبع صنايع والبخت ضايع
كان بخته منيل بنيلة على قول إخوانا المصريين
وفي يوم من الايام سافر صاحبنا جبر لبلد بعيدة يمكن يتغير بخته ويتعدل
وأول ما وصل البلد تفاجئ بإنه المقبرة هي مدخل البلد
شوفوا هالحظ ما أحلاه اول ما تدخل بلد يكون اول ما تشوفه عينيك المقبرة
تنكد جبر من هالفال ولكن كان تعبان فدخل المقبرة حتى يرتاح قبل ما يدخل البلد
وهو مستلقي في المقبرة بلش يلقي نظرة على القبور من حوليه
القبور كان عليها شاهد والشاهد يعني حجر مربع مكتوب عليه اسم الميت
وهذا ما بجوز في الاسلام ومع هيك بسويه أهلنا في بلاد الشام وفلسطين
الله يهدينا ويهديهم ونرجع لسنة الرسول صلى الله عليه وسلم
نرجع لجبر قرأ جبر المكتوب على الشاهد
هذا قبر فلان عاش خمسة أيام ونظر للشاهد الثاني وإذ به مكتوب عليه
( حلوة وإذ به ) هذا قبر فلان عاش عشرة أيام
والقبر الثالث قبر فلان عاش عشرين يوم والرابع ثلاثين يوم وهكذا
استغرب جبر كلهم عاشوا أيام بس ( فقط يعني )
ورأى جبر رجل يسير بالقرب من المقبرة ناداه جبر وسلم عليه
وسأله شو قصة هالمقبرة كلهم عاشوا أيام ؟!
أجابه الرجل أكيد أنت مش من هالبلد ( يعني فهمان الأخ )
القصة يا سيدي ( يعني يا أخي ) كل واحد في هذه البلد
بقول لزوجته أو أمه أو أبوه أو أخوه أو أخته كم يوم عاش سعيد
ولما بموت بنكتب على قبره عدد الايام السعيده في حياته
لأننا بنحسب الايام السعيدة هي الايام إيلي عاشهم الانسان
هز راسه جبر وقال للرجل
دخيلك إذا مت في بلدكم تكتب على قبري هالعبارة
هذا قبر جبر من بطن إمه للقبر
وإن شاء الله ما يكون فيكم ولا واحد جبر وسلامتكم
Admin- Admin
- عدد الرسائل : 716
السٌّمعَة : 0
نقاط : 12
تاريخ التسجيل : 27/04/2007 -
رد: من حكايات الختيارة
من طرف شيخ الشباب الأربعاء 12 مارس 2008, 20:02
اما حكا يات الختايره الي كلها عبر الله يخليهم وازا ماتو الله يرحمهم مشكور اخ ادمن على الحكايه هاي نخدها قبل النوم ولا بعدو 
شيخ الشباب- عضو ماسي
- عدد الرسائل : 1200
السٌّمعَة : 0
نقاط : 0
تاريخ التسجيل : 28/01/2008
القدس :: القدس لتنمية المواهب :: القصص
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى